Ýakynda Türkmenistanyň Magtymguly adyndaky Ýaşlar guramasynyň Balkan welaýatynyň Magtymguly etrap Geňeşiniň we etrap Bilim bölüminiň bilelikde guramagynda etrabyň “Magtymguly Pyragy” muzeýinde Medeniýet we sungat işgärleriniň hem-de Magtymguly Pyragynyň şygryýet güni mynasybetli gezelenç duşuşygy geçirildi.
Gezelenç duşuşygynyň dowamynda ilkinji Ýaşlar guramasynyň işjeň agzalary muzeýiň dürli zallaryna aýlanyp gördüler. Olar akyldar şahyryň ýaşap, önüp-ösen ýerleri barada dürli gyzykly maglumatlary öwrenip, Magtymguly Pyragynyň öwüt-ündew temada döreden goşgularyna aýratyn uly orun berildi.
Duşuşygyň ahyrynda oňa gatnaşanlar ýaşlaryň türkmen medeniýetini we taryhyny içgin öwrenmegi üçin giň mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Bägül BOÝALYÝEWA,
Türkmenistanyñ Magtymguly adyndaky
Ýaşlar guramasynyň Balkan welaýatynyň
Magtymguly etrap Geňeşiniň başlygynyň w.w.ýe.ýe.
