Ýakynda TMÝG-niň Mary welaýat, Garagum we Türkmengala etrap Geňeşleriniň we «Miras» teleýaýlymynyň bilelikde guramagynda etrabyň medeniýet öýünde Milli bahar baýramy mynasybetli «Gelse Nowruz äleme, reň kylar jahan peýda» atly aýdym-sazly baýramçylyk dabarasy geçirildi. Oňa TMÝG-niň Mary welaýat, Garagum we Türkmengala etrap Geňeşleriniň işgärleri we işjeň agzalary gatnaşdylar.
Dabarada etrap Medeniýet bölüminiň medeniýet we sungat ussatlarynyň ýerine ýetirmeginde ajaýyp çykyşlara tomaşa edildi. Olar aýdym-sazlary, ajaýyp öwüşginli tanslary, folklor çykyşlaryny ýokary ruhubelentlik bilen ýerine ýetirdiler. Nowruza bagyşlanylyp aýdylan ajaýyp aýdymlardyr folklorlar oňa gatnaşyjylara ruhy lezzet paýlady.
Şatlyk-şowhuna beslenen baýramçylyk dabarasyna gatnaşyjylar Gahryman Arkadagymyza, Arkadagly Gahryman Serdarymyza egsilmez alkyş aýtdylar.
Sülgün AGAJANOWA,
Türkmenistanyň Magtymguly adyndaky
Ýaşlar guramasynyň Mary welaýatynyň
Garagum etrap Geňeşiniň başlygy.
