Ýakynda Türkmenistanyň Magtymguly adyndaky Ýaşlar guramasynyň Mary welaýatynyň Mary şäher Geňeşiniň, Mary nebitgaz orta hünär okuw mekdebiniň bilelikde guramagynda mekdebiň mejlisler zalynda «Bitaraplyk — baky berkararlygyň binýady» ady bilen aýdym-sazly baýramçylyk duşuşygy geçirildi.
Duşuşykda Türkmenistanyň Magtymguly adyndaky Ýaşlar guramasynyň Mary welaýatynyň Mary şäher Geňeşiniň Guramaçylyk bölüminiň esasy hünärmeni Mähri Saparowa, Mary welaýat taryhy we ülkäni öwreniş muzeýiniň ylmy işgäri Bägül Begliýewa, Mary nebitgaz orta hünär okuw mekdebiniň mugallymy, ilkinji Ýaşlar guramasynyň başlygy Şamuhammet Ataýew dagylar çykyş etdiler. Olar öz çykyşlarynda Halkara parahatçylyk we ynanyşmak ýylynyň her bir gününiň taryhy senelere beslenýändigini, hemişelik Bitaraplygymyzyň 30 ýyllyk şanly senesine taýýarlyk görülýändigini, şol ýyllaryň içinde ýurdumyzda ähli ulgamlarda uly ösüşleriň gazanylandygyny uly buýsanç bilen nygtadylar.
Duşuşygyň ahyrynda oňa gatnaşanlar ýurdumyzyň parahat, halkymyzyň bagtyýar bolmagy ugrunda taýsyz tagallalary edýän Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Göwher KAKAGELDIÝEWA,
Türkmenistanyň Magtymguly adyndaky Ýaşlar guramasynyň
Mary welaýatynyň Mary şäher Geňeşiniň baş hünärmeni.
