Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň parasatly ýolbaşçylygynda ileri tutulýan ugurlaryň biri hem gadymy we baý milli mirasymyzy öwrenmäge, ösdürmäge we dünýä jemgyýetçiligine ýaýmaga gönükdirilendir. Şu nukdaýnazardan hem, ýaş nesillerde ruhy-ahlak gymmatlyklarymyza, milli medeniýetimize, däp-dessurlarymyza, taryhy we medeni mirasymyza hormat goýmak, gadymy gymmatlyklarymyzy ýaşlara açyp görkezmek maksady bilen Türkmenistanyň Magtymguly adyndaky Ýaşlar guramasynyň Mary welaýatynyň Garagum etrap Geňeşi tarapyndan guralýan gezelenç çäreleri giň gerime eýe bolýar.
Ýakynda Türkmenistanyň Magtymguly adyndaky Ýaşlar guramasynyň Mary welaýatynyň Garagum etrap Geňeşiniň we Mary welaýat taryhy we ülkäni öwreniş muzeýiniň bilelikde gurnamagynda dürli kärde zähmet çekýän ýaşlar guramasynyň işjeň agzalarynyň gatnaşmaklarynda Mary welaýat taryhy we ülkäni öwreniş muzeýine gezelenç çäresi geçirildi.
Gezelençde Mary welaýat taryhy we ülkäni öwreniş muzeýiniň we Türkmenistanyň Magtymguly adyndaky Ýaşlar guramasynyň Mary welaýatynyň Garagum etrap Geňeşiniň işgärleri çykyş etdi. Çykyş edenler Arkadagly Gahryman Serdarymyzyň parasatly ýolbaşçylygynda medeni-mirasymyzy we taryhy ýadygärliklerimizi öwrenmek hem-de olary wagyz etmek babatda ýaşlaryň arasynda alnyp barylýan işler dogrusynda giňişleýin gürrüň berdiler.
Gezelenjiň dowamynda ýaşlar muzeýiň etnografiýa, arheologiýa we beýleki birnäçe bölümleri hem-de Magtymguly Pyraga bagyşlanyp döredilen sergi zaly bilen tanyş bolup, bu ýerde muzeýiň ylmy işgärleri tarapyndan bu ýerde saklanýan ähli gymmatlyklar barada aýdyp beren gyzykly gürrüňleri bolsa, bagtyýar ýaşlarda halkymyzyň taryhyna uly gyzyklanma döretdi.
Gezelenjiň dowamynda türkmen halkynyň milli mirasyny giňden öwrenmekde ähli mümkinçilikleri döredip berýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.
Ýazmyrat ANNAGURBANOW,
TMÝG-niň Mary welaýatynyň Garagum etrap Geňeşiniň Guramaçylyk
bölüminiň sanly ulgam boýunça esasy hünärmeni.
