Golaýda Etrek etrap häkimliginiň, Türkmenistanyň Magtymguly adyndaky Ýaşlar guramasynyň Etrek etrap Geňeşiniň, etrap medeniýet bölüminiň bilelikde guramagynda ýetip gelýän Çagalary goramagyň halkara güni mynasybetli 8-nji orta mekdebiň mejlisler zalynda 1-2-nji synp okuwçylaryň arasynda aýdym-sazly baýramçylyk duşuşygy geçirildi.
Baýramçylyk duşuşygy okuwçylaryň ýüreginden çykýan buýsançly gutlaglara baý boldy. Täsirli gutlaglardan soňra medeniýet we sungat ussatlarynyň çagalary goramagyň halkara güni mynasybetli taýýarlan çykyşlaryna orun berildi.
Duşuşygyň ahyrynda çykyş edenler ýaş nesliň bagtyýar durmuşda ýaşamagy üçin uly aladalar edýän Gahryman Arkadagymyza, Arkadagly Gahryman Serdarymyza sagbolsunlaryny aýtdylar.
Mukam ÇÜRIÝEW,
Türkmenistanyň Magtymguly adyndaky
Ýaşlar guramasynyň Balkan welaýatynyň
Etrek etrabynyň başlygy.
