Halkara zenanlar güni mynasybetli Mary welaýatynyň Sakarçäge etrap häkimliginiň, TMÝG-niň Sakarçäge etrap Geňeşiniň, jemgyýetçilik guramalarynyň bilelikde guramagynda etrabyň edara-kärhanalarynda zähmet çekýän gelin-gyzlaryň gatnaşmagynda «Zeminiň görki gelin-gyzlarymyz» ady bilen aýdym-sazly baýramçylyk çäresi geçirildi.
Baýramçylyk çäresinde kalplary nurdan doly, ýüzleri nurana zenanlarymyz Halkara zenanlar güni bilen gutlag sözlerini aýdyp çykyş etdiler. Duşuşygyň dowamynda etrabyň medeniýet we sungat ussatlarynyň ýerine ýetirmeginde ajaýyp aýdym-sazlara giň orun berildi. Şatlyk-şowhuna beslenen baýramçylyk çäresi hemmelerde ýakymly ýatlama galdyrdy.
Kalplary heýjana getiren aýdym-sazly baýramçylyk çäresiniň ahyrynda oňa gatnaşan zenanlar Gahryman Arkadagymyza, Arkadagly Gahryman Serdarymyza çäksiz sagbolsun aýtdylar.
Owadan ATDAÝEWA,
Türkmenistanyň Magtymguly adyndaky
Ýaşlar guramasynyň Mary welaýatynyň
Sakarçäge etrap Geňeşiniň Guramaçylyk
bölüminiň müdiri.
