Mary welaýatynyň Garagum, Baýramaly etrap, Baýramaly şäher häkimlikleriniň we jemgyýetçilik guramalarynyň bilelikde guramagynda Baýramaly şäherindäki «Jennet» toý mekanynda «Zenan zeminiň zynaty» ady bilen Halkara zenanlar güni mynasybetli aýdym-sazly dabara uly ruhubelentlik bilen geçirildi. Baýramçylyk dabarasyna mähriban enelerimiz we gelin-gyzlarymyz gatnaşdylar.
Şatlyk şowhuna beslenen dabarada bagşy-sazandalaryň aýdan aýdymlary baýramçylyk dabarasyna gatnaşan gelin-gyzlaryň kalbyna ornady. Baýramçylyk dabarasynyň dowamynda zenan mertebesi, olara goýulýan sarpa dogrusynda gutlag sözleri bilen çykyş edildi. Ajaýyp döwletimizde türkmen zenanlarynyň mertebesini belende göterýän türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň adyna alkyş sözleri aýdyldy.
Ogulbagt AMANMYRADOWA,
Türkmenistanyň Magtymguly adyndaky
Ýaşlar guramasynyň Mary welaýatynyň
Garagum etrap Geňeşiniň uly buhgalteri.
