Golaýda Türkmenistanyň Magtymguly adyndaky Ýaşlar guramasynyň Mary welaýatynyň Wekilbazar etrap Geňeşiniň, etrap bilim bölüminiň bilelikde guramagynda umumybilim edaralarynyň ýokary synp okuwçy gyzlarynyň arasynda etrapdaky 36-njy orta mekdepde «Millilik – nesil terbiýesiniň özeni» atly wagyz-nesihat duşuşygy geçirildi.
Täsirli çykyşlarda zenanyň edep-ekramy, arassa ahlaklylygy, tebigy gözelligi we asyllylygy, milli şaý-sepleri barada giňişleýin gürrüň edildi. Olar zenan waspynyň ýazyjy-şahyrlarymyzyň döredijiliginde-de giň orna eýedigini aýdyp, ajaýyp goşgy setirlerini mysal getirip, zenanlara goýulýan sarpanyň ýokarydygyny nygtadylar.
Wagyz-nesihat duşuşygynyň ahyrynda gatnaşyjylaryň ählisi Watany söýmegiň belent nusgasyny görkezýän Gahryman Arkadagymyzyň, Arkadagly Gahryman Serdarymyzyň janlarynyň sag, belent başlarynyň aman, tutumly işleriniň hemişe rowaç bolmagyny arzuw etdiler.
Güljan ŞABASANOWA,
Türkmenistanyň Magtymguly adyndaky
Ýaşlar guramasynyň Mary welaýatynyň
Wekilbazar etrap Geňeşiniň baş hünärmeni.
