Golaýda Milli bahar baýramy mynasybetli Tagtabazar etrap häkimliginiň, TMÝG-niň Mary welaýatynyň Tagtabazar etrap Geňeşiniň, etrabyň jemgyýetçilik guramalarynyň bilelikde guramagynda etrabyň Pendi ýaýlasynda «Gelse Nowruz äleme, reň kylar jahan peýda» atly aýdym-sazly baýramçylyk çäresi geçirildi.
Baýramçylyk çäresinde etrabyň Medeniýet öýüniň bagşy-sazandalarynyň, folklor toparlarynyň, çagalar tans toparlarynyň çykyşlaryna giň orun berildi. Şeýle-de, bu ýerde atly ýigitlerimiziň ýörişleri, etrabyň bedenterbiýe we sport bölüminiň türgenleriniň görkezme çykyşlary, Pendi ýaýlasynda owlak-guzylaryň mäleşýän sesleri, çagalaryň şadyýan gülkisi baýramçylyk çäresiniň şowhunyny artdyrdy.
Dabara gatnaşyjylar Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, il-ýurt bähbitli tutumly işleriniň elmydama rowaçlyklara beslenmegini arzuw etdiler.
Ogulboldy ÖWEZBERDIÝEWA,
Türkmenistanyň Magtymguly adyndaky
Ýaşlar guramasynyň Mary welaýatynyň
Tagtabazar etrap Geňeşiniň baş hünärmeni.
