Ýakynda Türkmenistanyň Magtymguly adyndaky Ýaşlar guramasynyň Ahal welaýat Geňeşiniň guramagynda «Garaşsyzlyk — bagtymyz» ady bilen geçirilen «tegelek stoluň» başyndaky söhbetdeşlik mukaddes Garaşsyzlygymyzyň 34 ýyllyk şanly toýuna bagyşlandy.
Söhbetdeşligiň dowamynda Halkara parahatçylyk we ynanyşmak ýylynyň altyn güýzünde mukaddes Garaşsyzlygymyzyň 34 ýyllyk şanly toýunyň öňüsyrasynda Türkmenistanyň Halk Maslahatynyň nobatdaky mejlisiniň geçirilmeginiň ýurdumyzyň syýasy-jemgyýetçilik durmuşynda möhüm waka öwrüljekdigini aýratyn nygtap, Garaşsyzlyk ýyllary içinde ata Watanymyzyň ýeten belent sepgitleri, gazanan üstünlikleri, ýurdumyzyň halkara abraýynyň belende göterilmegi dogrusynda buýsanç bilen gürrüň berdiler.
Söhbetdeşligiň ahyrynda oňa gatnaşanlar türkmen halkynyň bagtyýar, abadan durmuşda ýaşamagy ugrunda beýik işleri durmuşa geçirýän Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Nurgeldi ÖWEZMYRADOW,
Türkmenistanyň Magtymguly adyndaky
Ýaşlar guramasynyň Ahal welaýat
Geňeşiniň buhgalteri.
