Ýakynda Türkmenistanyň Magtymguly adyndaky Ýaşlar guramasynyň Balkan welaýatynyň Magtymguly etrap Geňeşiniň guramagynda etrabyň “Magtymguly Pyragy” muzeýinde ýaşlaryň gatnaşmagynda “Köňülleriň nazargähi” atly duşuşyk geçirildi.
Çäräniň dowamynda türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň döwet galamyndan syzylyp çykan ajaýyp kitaplarynyň many-mazmuny we terbiýeçilik ähmiýeti dogrusynda giňişleýin gürrüňler edildi.
Duşuşygyň ahyrynda oňa gatnaşanlar ýaşlaryň döwrebap bilim almagy, ylym öwrenmegi ugrunda döredip berýän giň mümkinçilikleri üçin Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Gülruh BABAÝEWA,
Türkmenistanyň Magtymguly adyndaky
Ýaşlar guramasynyň Balkan welaýatynyň
Magtymguly etrap Geňeşiniň uly buhgalteri.
