Ýakynda Türkmenistanyň Magtymguly adyndaky Ýaşlar guramasynyň Aşgabat şäheriniň Berkararlyk etrap Geňeşiniň hem-de etrap häkimliginiň bilelikde guramagynda çagalaryň tomusky dynç alyş möwsümini gyzykly, şadyýan geçirmek maksady bilen Aşgabat şäher häkimliginiň Janly tebigatynyň milli muzeýinde “Biz sagdyn we şadyýan çagalar” ady bilen “Çeşme” çagalar sagaldyş we dynç alyş merkezinde dynç alýan çagalaryň gatnaşmagynda gezelenç duşuşygy geçirildi.
Gezelenç duşuşygyna gatnaşan çagalar tebigatda duş gelýän birnäçe ýyrtyjy jandarlar we öý haýwanlary bu ýere gelen körpelerde täsin duýgulary oýardy. Gezelenje gatnaşan körpelere Türkmenistanyň Magtymguly adyndaky Ýaşlar guramasynyň Aşgabat şäheriniň Berkararlyk etrap Geňeşiniň adyndan süýjilikler gowşuryldy.
Çäräniň ahyrynda oňa gatnaşanlar mynasyp bilim-terbiýeli, giň dünýägaraýyşly, kämil şahsyýetleriň kemala gelmegi ugrunda şert-mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Merjen MUHAMMETGULYÝEWA,
Türkmenistanyň Magtymguly adyndaky
Ýaşlar guramasynyň Aşgabat şäheriniň
Berkararlyk etrap Geňeşiniň Guramaçylyk
bölüminiň Sanly ulgam boýunça esasy hünärmeni.
