Ýolöten etrabyndaky 19-njy orta mekdebinde etrabyň edara-kärhanalarynda zähmet çekýän raýatlaryň gatnaşmagynda «Şu gün ertiriň binýady» atly wagyz-nesihat çäresi geçirildi.
Çärede etrabyň hukuk goraýjy edaralarynyň wekilleri, etrap hassahanasynyň lukmany şeýle hem ýaşlar guramasynyň wekilleri çykyş etdiler. Olar ýaş nesilleriň sagdyn hem bilimli bolmagy üçin döredilýän mümkinçilikler, olaryň howpsuzlygyny üpjün etmekde kada-kanunlaryň berk berjaý edilmegi hakynda alnyp barylýan işler hakymda gürrüň berdiler.
Wagyz-nesihat çäresiniň ahyrynda oňa gatnaşyjylar ýaşlaryň ylym-bilim almagy, hünärli adamlar bolup ýetişmegi ugrunda taýsyz tagallalary edýän Gahryman Arkadagymyza we Arkadagly Gahryman Serdarymyza alkyş sözlerini aýtdylar.
Jennet ORAZOWA,
Türkmenistanyň Magtymguly adyndaky
Ýaşlar guramasynyň Mary welaýatynyň
Ýolöten etrap Geňeşiniň Guramaçylyk
bölüminiň müdiri.
