Garaşsyz, hemişelik Bitarap Türkmenistan Diýarymyzda Watanymyzy kuwwatly döwlete öwürmegiň röwşen ýolunda beýik geljegimize gönükdirilen tutumly işler amala aşyrylýar. Hormatly Prezidentimiziň baştutanlygynda maddy we ruhy gymmatlyklarymyzy, däp-dessurlarymyzy many-mazmun taýdan has-da baýlaşdyrmakda uly tagallalar edilýär.
Hut şu nukdaýnazardan, Türkmenistanyň Magtymguly adyndaky Ýaşlar guramasynyň Mary welaýat Geňeşiniň,welaýat kitaphanasy bilen bilelikde gurnamagynda “Ýaşlar-jemgyýetiň ygtybarly hereketlendiriji güýji ”ady bilen Mary welaýat kitaphanasynyň muzeýine gezelenç çäresini gurnady. Guralan gezelenje Ýaşlar guramasynyň işgärleri, Türkmenistanyň Döwlet energetika institutynyň talyp ýaşlary we TMÝG-niň işjeň agzalary gatnaşdylar. Türkmenistanda ýaşlar barada döwlet syýasatynyň 2021-2025-nji ýyllar üçin döwlet Maksatnamasyny amala aşyrmak boýunça ýerine ýetirilmeli çäreleriniň Meýilnamasyndan ugur alyp, ýaşlaryň arasynda milli mirasymyzy, däp-dessurlarymyzy wagyz etmek hem-de taryhy we medeni ýadygärliklere bolan garaýyşlaryny kämilleşdirmek maksady bilen guralan gezelenç ýaşlarda uly täsir galdyrdy. Biz hem gelejek-de eziz Watanymyzyň röwşen geljegi bolan ýaşlarymyzy watançylyk ruhunda terbiýelemek-de özlerimiziň mynasyp goşandymyzy goşjakdygymyza ynandyrýarys. Goý, Arkadagly Serdarymyzyň, Gahryman Arkadagymyzyň janlary sag, ömürleri uzak bolsun!
Maýa AKMYRADOWA,
Türkmenistanyň Magtymguly adyndaky
Ýaşlar guramasynyň Mary welaýat Geňeşiniň
umumy bölüminiň esasy hünärmeni
