Golaýda Türkmenistanyň Magtymguly adyndaky Ýaşlar guramasynyň Mary welaýatynyň Sakarçäge etrap Geňeşiniň guramagynda “Galkynyş” sport desgasynda türgenleşýän türgenleriň gatnaşmagynda «Sagdyn durmuş ýörelgesi — nesilleriň aladasy» atly sportuň dzýudo görnüşi boýunça bäsleşik geçirildi.
Gyzykly geçen ýaryşda Gylyçly Kadyrow birinji, Resul Nurmyradow ikinji, Ylham Hojamyradow üçünji orunlara mynasyp boldular. Türgenler bu ýaryşda özleriniň ukyp-başarnyklaryny görkezdiler. Çeýelik, dogumlylyk, ugurtapyjylyk ýaly häsiýetleri hemra edinen ýaş türgenler çärede sportuň dzýudo görnüşi boýunça barha kämilleşýändigini subut etdiler.
Bäsleşigiň ahyrynda oňa gatnaşan türgenler türkmen sportuny dünýä ýaýmakda beýik işleri durmuşa geçirýän Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Owadan ATDAÝEWA,
Türkmenistanyň Magtymguly adyndaky
Ýaşlar guramasynyň Mary welaýatynyň
Sakarçäge etrap Geňeşiniň Guramaçylyk
bölüminiň müdiri.
