TMÝG-niň Balkan welaýatynyň Serdar şäher Geňeşiniň we Serdar şäher Sport we Ýaşlar syýasaty bölümi bilen bilelikde şäheriň çäginde ýerleşýän "Dürdäne" çagalar sagaldyş we dynç alyş merkezinde dynç alýan körpeleriň arasynda ýörite tassyklanan iş meýilnamasy esasynda "Syrly göçüm" ady bilen sportuň küşt, şaşka, düzzüm görnüşleri boýunça sport bäsleşikleri geçirildi. Bäsleşik körpeleriň medeniýetli dynç almaklaryny gazanmak we ukyp-başarnyklaryny ýüze çykarmak we sportuň bu görnüşine körpelerde höwes döretmek maksady bilen geçirildi. Bäsleşik çagalarda gyzykly täsir galdyryp, olaryň aýratyn tapawutlanmagyna getirdi. Ahyrynda şäheriň sport we ýaşlar syýasaty bölüminden we "Dürdäne" çagalar sagaldyş merkezinden düzülen eminler toparynyň gelen netijeleri esasynda bäsleşigiň ýeňijilerine we işjeň gatnaşanlara TMÝG-niň Balkan welaýatynyň Serdar şäher Geňeşi tarapyndan ýadygärlik sowgatlary gowşuryldy.
Serdar SUWHANOW,
TMÝG-niň Balkan welaýatynyň
Serdar şäher Geňeşiniň başlygy.
