Ýakynda Wekilbazar etrabynyň 2-nji orta mekdebinde Türkmenistanyň Magtymguly adyndaky Ýaşlar guramasynyň Mary welaýatynyň Wekilbazar etrap Geňeşiniň, Türkmenistanyň Demokratik partiýasynyň etrap komitetiniň, Türkmenistanyň Agrar partiýasynyň etrap komitetiniň we etrap bilim bölüminiň bilelikde guramagynda ýokary synp okuwçylarynyň gatnaşmagynda «El hünäri — il gezer» atly döredijilik duşuşygy geçirildi.
Duşuşykda gyzlar meşgullanýan el işleri hakynda gürrüň berip, öz eden işlerini görkezdiler. Gyzlaryň inçeden eden el işleri ene-mamalarymyzdan galan milli miras bolup, gadymdan gelýän däplerimiziň şu günki günde-de dowam etdirilýändigini, keşdeçilik sungatyna uly sarpa goýulýandygyny äşgär edýär.
Döredijilik duşuşygynyň ahyrynda oňa gatnaşanlar milliligimize uly sarpa goýýan Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Hajar GARRYÝEWA,
Türkmenistanyň Magtymguly adyndaky Ýaşlar guramasynyň
Mary welaýatynyň Wekilbazar etrap Geňeşiniň Guramaçylyk
bölüminiň sanly ulgam boýunça esasy hünärmeni.
