Golaýda Türkmenistanyň Magtymguly adyndaky Ýaşlar guramasynyň Mary welaýatynyň Tagtabazar etrap Geňeşiniň guramagynda etrabymyzyň 25-26-27-nji orta mekdepleriniň ýokary synp okuwçy gyzlarynyň gatnaşmagynda “Milli nesil — terbiýäniň özeni” atly maslahat geçirildi.
Maslahatda Türkmenistanyň Agrar partiýasynyň etrap komitetiniň başlygy Çary Begmyradow, etrap bilim bölüminiň hünärmeni Döwlet Jumaýew, Türkmenistanyň Demokratik partiýasynyň etrap komitetiniň partiýa guramaçysy Esenmyrat Garryýew, etrap hassahanasynyň lukmany Bibi Jumanýazowa dagylar çykyş etdiler. Olar öz çykyşlarynda türkmen zenanlaryna goýulýan sarpa, el işleriniň ähmiýeti, millilik, edep-terbiýe dogrusynda giňişleýin gürrüň etdiler.
Maslahatyň ahyrynda oňa gatnaşanlar zenanlarymyza belent sarpa goýýan Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Tawus AŞYROWA,
Türkmenistanyň Magtymguly adyndaky Ýaşlar guramasynyň
Mary welaýatynyň Tagtabazar etrap Geňeşiniň
Serhetabat şäher bölümçesiniň baş hünärmeni.
