Şu günler ýurdumyzyň ähli künjeginde Medeniýet we sungat işgärleriniň güni hem-de Magtymguly Pyragynyň şygryýet güni mynasybetli çäreler giň gerimde dabaralanýar. Şeýle çäreleriň biri-de Aba Annaýew adyndaky Halkara atçylyk akademiýasynda geçirildi.
«Medeniýet we sungat — Watanymyzyň egsilmez ruhy baýlygy» ady bilen geçirilen ylmy-amaly maslahatda ylmy çykyşlar diňlenildi. Olarda Berkarar döwletimiziň täze eýýamynyň Galkynyşy döwründe milli medeniýetimizi, sungatymyzy, şeýle-de türkmen edebiýatynyň görnükli wekili Magtymguly Pyragynyň döredijiligini öwrenmekde, ösdürmekde we geljekki nesillere ýetirmekde alnyp barylýan işler dogrusynda ylmy maglumatlar esasynda täsirli gürrüňler edildi.
Mekan AMANLYÝEW,
Türkmenistanyň Magtymguly adyndaky
Ýaşlar guramasynyň Arkadag şäheriniň
Geňeşiniň başlygy.
