Golaýda Türkmenistanyň Magtymguly adyndaky Ýaşlar guramasynyň Daşoguz welaýatynyň Boldumsaz etrap Geňeşi türkmen bedewiniň milli baýramy mynasybetli Gubadag şäher medeniýet merkezinde «Çawy ýaýran illerde, bedew waspy dillerde» atly şygar astynda aýdym-sazly baýramçylyk çäresini geçirdi. Baýramçylyk dabara Gubadag şäher medeniýet merkeziniň medeniýet we sungat ussatlarynyň hormatly Prezidentimizi, ata Watanymyzy, ýelden ýyndam behişdi bedewlerimizi wasp edýän şirin owazly aýdymlary, folklor çykyşlary, joşgunly tanslary bu ýere ýygnanan adamlaryň göwün guşuny ganatlandyrdy. Baýramçylyk mynasybetli gurnalan ýaş suratkeşleriň atçylyk sungatyna degişli çeken surat sergileri çärä gatnaşanlarda gyzyklanma döredip, dabara özboluşly bezeg berdi.
Aýdym-sazly çärede halkymyzyň asuda, parahat, eşretli, sagdyn durmuşda ýaşamagy, döredijilikli zähmet çekmegi üçin bimöçber aladalary edýän Gahryman Arkadagymyza hem-de hormatly Prezidentimiz Arkadagly Gahryman Serdarymyza özüniň çäksiz hoşallygyny uly buýsanç bilen aýtdylar.
Çary SAPAROW,
Türkmenistanyň Magtymguly adyndaky
Ýaşlar guramasynyň Daşoguz welaýatynyň
Boldumsaz etrap Geňeşiniň Gubadag
şäher bölümçesiniň esasy hünärmeni.
