Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde, Garaşsyz, hemişelik Bitarap Türkmenistanyň her bir künjeginde döwrebap medeni-ykdysady ösüşler ýaýbaňlanýar. Islendik oba ýa-da şäher bolsun, her birinde döwrebap ýaşaýyş binalary, umumybilim berýän orta mekdep we mekdebe çenli çagalar edaralary, bedenterbiýe we sport desgalary gözüňi dokundyrýar.
Ýurdumyzda döredilýän şular ýaly amatly şertler, gurlup ulanylmaga berilýän döwrebap desgalar okamaga, kämil bilim almaga, bedenterbiýe we sport bilen meşgullanmaga, hünär öwrenmäge, zähmet çekmäge höwes döredýär. Gahryman Arkadagymyzyň başlangyçlary, Arkadagly Gahryman Serdarymyzyň tagallalary bilen döredilen bu ýokary mümkinçilikler netijesinde, ýurdumyzda jemgyýetde sagdyn durmuş ýörelgelerini ornaşdyrmak, ilaty, aýratyn-da ösüp gelýän ýaş nesilleri köpçülikleýin bedenterbiýä we sporta çekmek bilen bagly dünýä nusgalyk netijeler gazanyldy. Şu günki gün dünýä we sebit möçberli iri sport ýaryşlarynda, çempionatlarda, olimpiadalarda we Kuboklarda döwletimiziň ýaşyl Tuguny belentde parladýan türgenlerimiziň paýtagtymyzyň we welaýatlarymyzyň dürli sport mekdeplerinde tälim alyp ýetişen ýaşlardygy buýsançly hakykatdyr.
Täze taryhy eýýamymyzda ýurdumyzda ilatyň, hususan-da ýaşlaryň arasynda sportuň dürli görnüşleriniň meşhurlygy artýar. Welosiped, awtomobil sporty, futbol, hokkeý, buzda typmak, suwdaky sport görnüşleri, göreş bilen meşgullanýan ýaşlarymyzyň sany gün-günden artýar. Bedenterbiýe we sport durmuşymyzyň aýrylmaz bölegine öwrülýär.
Hakmyrat KIŞJIKOW,
Türkmenistanyň Magtymguly adyndaky Ýaşlar guramasynyň
«Türkmennebit» Döwlet konserniniň şahamçasynyň başlygy.
