Türkmenistanyň Magtymguly adyndaky Ýaşlar guramasynyň Daşoguz welaýatynyň Şabat etrap Geňeşi, etrabyň bedenterbiýe we sport bölümi bilen bilelikde ýaşlaryň sport bilen yzygiderli meşgullanmaklaryny gazanmak maksady bilen etrabyň 1-nji çagalar we ýetginjekler sport mekdebinde «Sport saglygyň girewidir» ady bilen sport çäresini geçirdi. Çärä Şabat şäheriniň çäginde ýerleşen çagalar baglaryna gatnaýan çagalar gatnaşdylar we sportuň dürli görnüşleri boýunça bäsleşdiler. Ýaryşyň ahyrynda bäsleşigiň ýeňijileri we işjeň gatnaşyjylara etrabyň bedenterbiýe we sport bölüminiň Hormat hatlary berildi.
Öwezmyrat TEKÄÝEW,
Türkmenistanyň Magtymguly adyndaky
Ýaşlar guramasynyň Daşoguz welaýatynyň
Şabat etrap Geňeşiniň esasy hünärmeni.
