Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň parasatly baştutanlygynda ýurdumyzda ynsan saglygyny goramak we ýol hereketiniň howpsuzlygyny üpjün etmek ugrunda giň gerimli işler durmuşa geçirilýär. Ýol-hereket düzgünlerini berjaý etmekligi şekillendiriş sungatynyň üsti bilen ýetirmek maksady bilen ýaşlaryň arasynda "Ýol hereketiniň — howpsuzlygy ömrümiziň rahatlygy” atly biraýlygyň çäklerinde dürli çäreler hem-de bäsleşikler guralýar.
Ýakynda hem Türkmenistanyň Magtymguly adyndaky Ýaşlar guramasynyň Daşoguz welaýatynyň Akdepe etrap Geňeşiniň guramagynda etrabyň Andalyp şäher çagalar sungat mekdebinde okuwçylaryň arasynda ýaş zehinleri ýüze çykarmak maksady bilen surat çekmek bäsleşigi geçirildi.
Bäsleşigiň dowamynda “Sungat” hem-de “Güneşli” toparlary özara çekeleşikli bäsleşdiler. Netijede “Sungat” topary ýeňiş gazanyp, Türkmenistanyň Magtymguly adyndaky Ýaşlar guramasynyň Daşoguz welaýatynyň Akdepe etrap Geňeşi tarapyndan ýadygärlik sowgatlary bilen sylaglandy.
Şamyrat NAZAROW,
Türkmenistanyň Magtymguly adyndaky Ýaşlar guramasynyň
Daşoguz welaýatynyň Akdepe etrap Geňeşiniň Guramaçylyk
bölüminiň sanly ulgam boýunça esasy hünärmeni.
