Ýakynda, Lebap welaýatynyň Darganata etrabynyň 1-nji «Gunça» çagalar bakja bagynda Türkmenistanyň Magtymguly adyndaky Ýaşlar guramasynyň Lebap welaýatynyň Darganata etrap Geňeşi hem-de etrabyň jemgyýetçilik guramalary bilen bilelikde guramagynda çagajyklaryň wagtlaryny şadyýan geçirmeklerini gazanmak maksady bilen «Altyn jüýje» ady bilen sahna oýunlary görkezildi.
Bu sahnalaşdyrylan eserleriň üsti bilen çagalara edepli-tertipli bolmak, şeýle-de özüňi göreldeli alyp barmak ündelýär.
Sahna oýunlaryň ahyrynda ýaş nesiller barada uly aladalary edýän Gahryman Arkadagymyza Arkadagly Gahryman Serdarymyza alkyş sözlerini aýtdylar.
Dünýägözel HAÝTEKOWA,
Türkmenistanyň Magtymguly adyndaky
ýaşlar guramasynyň Lebap welaýatynyň
Darganata etrap Geňeşiniň uly buhgalteri.
