Ýaňy-ýakynda Lebap welaýatynyň Dänew etrabynyň 20-nji çagalar bakja-bagynda Türkmenistanyň Magtymguly adyndaky Ýaşlar guramasynyň Lebap welaýatynyň Dänew etrap Geňeşiniň guramagynda 20-nji çagalar bakja-bagynda zähmet çekýän işgärleriniň gatnaşmagynda “Çaga eziz, edebi ondanam eziz” ady bilen wagyz nesihat duşuşygy geçirildi.
Duşuşykda çykyş edenler türkmen maşgalasynda nesil terbiýesinde durmuş tejribesine daýanýan ata-babalarymyz, ene-mamalarymyz görüm-göreldesi bilen aňyrdan gelýän däp-dessurlarymyzyň milli ýol-ýörelgelerimiziň esasynda ýaş nesil terbiýelenýär. Türkmen halky ýaş nesliň terbiýesine gaty inçelik sünnälik bilen çemeleşýär. Türkmen halkynyň arasynda iň ýagşysy edep-terbiýe diýen düşünje bar.Bu düşünje asyrlar boýy aramyzda nesil terbiýesi üçin çelgi bolup hyzmat edýär. Terbiýäniň iň gowysy bolsa görelde hasaplanýar diýip bellediler.
Duşuşyga gatnaşanlar Gahryman Arkadagymyzyň we Arkadagly Gahryman Serdarymyzyň adyna alkyş sözlerini aýtdylar.
Dursunjemal SARYÝEWA,
Türkmenistanyň Magtymguly adyndaky
Ýaşlar guramasynyň Lebap welaýatynyň
Dänew etrap Geňeşiniň guramaçylyk
bölüminiň esasy hünärmeni.
