Ýakynda, Köpetdag etrap häkimliginiň mejlisler zalynda Türkmenistanyň Magtymguly adyndaky Ýaşlar guramasynyň Aşgabat şäheriniň Köpetdag etrap Geňeşiniň hem-de Aşgabat şäher medeniýet müdirliginiň Merkezleşdirilen kitaphanalar ulgamynyň Ata Gowşudow adyndaky kitaphana şahamçasy bilen bilelikde gurnamagynda “Halkara gatnaşyklarda ynamly gadamlar” ady bilen wagyz-nesihat duşuşygy geçirildi. Duşuşyga ilkinji Ýaşlar guramasynyň başlyklary, kitaphanada zähmet çekýän işjeň agzalar gatnaşdylar. Wagyz-nesihat duşuşygyň dowamynda çykyş eden wekiller Türkmenistanyň Milli Geňeşiniň Halk Maslahatynyň başlygy Gahryman Arkadagymyzyň Koreýa Respublikasyna resmi saparynda bolmagynyň ähmiýetini wagyz etmek, şeýle hem Gahryman Arkadagymyzyň Koreýa Respublikasynyň öňdebaryjy ýokary okuw mekdeplerinde bilim alýan türkmen ýaşlary bilen duşuşmagy dogrysynda giňişleýin çykyş etdiler. Türkmen-koreý dost-doganlyk gatnaşyklaryny barha pugtalandyrýan, bagtyýar durmuşda, agzybirlikde ýaşamak üçin ähli şertleri döredip berýän Gahryman Arkadagymyzyň, Arkadagly Serdarymyzyň janlary sag, ömürleri uzak, tutýan tutumly işleri elmydama rowaçlyklara beslensin!
Sapar ARAZNEPESOW,
Türkmenistanyň Magtymguly adyndaky
Ýaşlar guramasynyň Aşgabat şäheriniň
Köpetdag etrap Geňeşiniň Guramaçylyk
bölüminiň müdiri.
