Şugün «Türkmenistan – Bitaraplygyň mekany» ýyly mynasybetli Türkmenistanyň Magtymguly adyndaky Ýaşlar guramasynyň Merkezi Geňeşiniň Aman Kekilow adyndaky mugallymçylyk mekdebi bilen bilelikde guramaklarynda «Berkarar Watanym dillerde dessan, Garaşsyz, Bitarap, jan Türkmenistan» atly maslahat duşuşygyny Aman Kekilow adyndaky mugallymçylyk mekdebiniň mejlisler jaýynda geçirildi. Maslahatda Türkmenistanyň Magtymguly adyndaky Ýaşlar guramasynyň Merkezi Geňeşiniň medeniýet bölüminiň müdiri Gurbanmyrat Muhammedow, Aman Kekilow adyndaky Mugallymçylyk mekdebiniň pedagogika-psihologiýa mugallymy Mährijemal Çaryýewa, Türkmenistanyň Magtymguly adyndaky Ýaşlar guramasynyň Aşgabat şäheriniň Büzmeýin etrap Geňeşiniň esasy hünärmeni Miwesoltan Jumaýewa, Aman Kekilow adyndaky Mugallymçylyk mekdebiniň I ýyl talyby Züleýha Rejebowa dagy täsirli çykyş etdiler. Maslahat Aman Kekilow adyndaky Mugallymçylyk mekdebiniň talyp ýaşlaryna täze maglumatlary öwrenmeklerine ýardam etdi.
