Golaýda Türkmenistanyň Magtymguly adyndaky Ýaşlar guramasynyň Lebap welaýatynyň Saýat etrap Geňeşiniň guramagynda Saýat etrabynyň 16-njy çagalar bagynda Berkarar döwletiň täze eýýamynyň Galkynyşy döwründe körpe nesilleri aýdym-saza, döredijilige höweslendirmek maksady bilen «Şadyýan körpeler» ady bilen aýdym-sazly ertirlik geçirildi.
Dabaranyň dowamynda ýaş körpelerimiz asuda Watanymyzy, bagtyýar nesillere döredilip berilýän mümkinçilikleri wasp edýän aýdym-sazlary, türkmen halk ertekilerinden bölek degişme sahnalaryny ýerine ýetirdiler.
Çäräniň ahyrynda oňa gatnaşanlar ýaş nesilleriň mynasyp bilim-terbiýe almagy, döredijilik we sport bilen meşgullanmagy ugrunda giň mümkinçilikleri döredip berýän türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň adyna alkyş sözlerini beýan etdiler.
Döwletgeldi AGANYÝAZOW,
Türkmenistanyň Magtymguly adyndaky
Ýaşlar guramasynyň Lebap welaýatynyň
Saýat etrap Geňeşiniň Guramaçylyk bölüminiň
sanly ulgam boýunça hünärmeni.
