Ýakynda Türkmenistanyň Döwlet energetika institutynyň hem-de welaýatyň jemgyýetçilik guramalarynyň bilelikde guramagynda institutyň mejlisler zalynda 1941-1945-nji ýyllaryň Beýik Watançylyk urşunda gazanylan Beýik Ýeňşiň 80 ýyllygy mynasybetli “Watan gerçekleri unudylmaýar’’ atly maslahat geçirildi.
Maslahatda TZB-niň Mary şäher bölüminiň agzasy Ogulnäzik Atageldiýewa, TKA-nyň Mary welaýat birleşmesiniň hukuk gözegçileri Toýly Garýagdyýew, Gülälek Mämmedowa, TMÝG-niň Mary welaýat Geňeşiniň Guramaçylyk bölüminiň esasy hünärmeni Şatlyk Serdarow, institutyň mugallymy Ýazgeldi Ýakubow, Mary şäheriniň 18-nji orta mekdebiniň 9-njy synp okuwçysy Parahat Annadurdyýew dagylar çykyş edip, Beýik Watançylyk urşunyň jebir-jepalary, ýetiren zyýany, tylda galanlaryň görkezen edermenligi, irginsiz zähmeti, häzirki döwürde uruş weteranlaryna goýulýan uly hormat-sarpa dogrusynda giňişleýin gürrüň etdiler.
Maslahatyň ahyrynda oňa gatnaşanlar milli gahrymanlarymyz baradaky hakydany gorap saklamagyň we ebedileşdirmegiň mynasyp nusgasyny görkezýän türkmen halkynyň Milli Lideri Gahryman Arkadagymyzyň hem-de Arkadagly Gahryman Serdarymyzyň janlarynyň sag, ömürleriniň uzak, tutýan tutumly işleriniň hemişe rowaç bolmagyny arzuw etdiler.
Şatlyk SERDAROW,
Türkmenistanyň Magtymguly adyndaky
Ýaşlar guramasynyň Mary welaýat Geňeşiniň
Guramaçylyk bölüminiň esasy hünärmeni.
