Golaýda Lebap welaýatynyň Saýat etrabynyň 19-njy orta mekdebinde Türkmenistanyň Magtymguly adyndaky Ýaşlar guramasynyň Lebap welaýatynyň Saýat etrap Geňeşiniň, etrap bilim bölüminiň bilelikde guramagynda etrabyň orta mekdeplerinde okaýan 4-nji synp okuwçylarynyň arasynda «Zehinlije» atly zehin bäsleşigi geçirildi. Bäsleşigiň düzgünnamasy esasynda okuwçylar 4-nji synpda alan bilimlerini özleşdirilişini we çuňlaşdyrylyşyny öwrenmek maksady bilen ene dili, matematika, aýdym we ýaşaýyş durmuş esaslary dersleri boýunça özara bäsleşdiler. Bäsleşigiň ahyrynda eminler tarapyndan kesgitlenen çözgütler esasynda bäsleşigiň ýeňijilerine we oňa gatnaşan zehinli okuwçylara Türkmenistanyň Magtymguly adyndaky Ýaşlar guramasynyň Lebap welaýatynyň Saýat etrap Geňeşi tarapyndan hormat hatlary we sowgatlar dabaraly ýagdaýda gowşuryldy.
Baýmyrat HUDAÝBERDIÝEW,
Türkmenistanyň Magtymguly adyndaky
Ýaşlar guramasynyň Lebap welaýatynyň
Saýat etrap Geňeşiniň başlygy.
