Ýakynda Türkmenistanyň Magtymguly adyndaky Ýaşlar guramasynyň Ahal welaýat Geňeşiniň hem-de «Arkadag» teleýaýlymynyň bilelikde guramagynda Türkmenistanyň Halk Maslahatynyň nobatdaky mejlisiniň ähmiýetine bagyşlanan «Halk maslahaty — agzybirligiň we jebisligiň nyşany» ady bilen «tegelek stoluň» başynda söhbetdeşlik duşuşygy geçirildi.
Söhbetdeşlikde ýurdumyzyň mukaddes Garaşsyzlygynyň 34 ýyllygynyň öňüsyrasynda geçiriljek Türkmenistanyň Halk Maslahatynyň nobatdaky mejlisi, ýurdumyzy ösüşiň täze derejesine çykarmakda, halkymyzyň eşretli durmuşyny üpjün etmekde we jebisligini pugtalandyrmakda umumymilli forumyň möhüm ähmiýeti dogrusynda giňişleýin gürrüň etdiler.
Söhbetdeşligiň ahyrynda oňa gatnaşanlar Watanymyzyň halkara derejesindäki abraýynyň belende galmagy, halkymyzyň eşretli durmuşynyň üpjün edilmegi ugrunda beýik işleri amala aşyrýan Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Röwşen MAKSATMYRADOW,
Türkmenistanyň Magtymguly adyndaky Ýaşlar guramasynyň
Ahal welaýat Geňeşiniň Umumy bölüminiň müdiri.
