Ýakynda Türkmenistanyň Magtymguly adyndaky Ýaşlar guramasynyň Daşoguz welaýatynyň Akdepe etrap Geňeşiniň guramagynda etrabyň 38-nji orta mekdebiniň okuwçylarynyň gatnaşmagynda «Ýol hereketiniň howpsuzlygy — ömrümiziň rahatlygy» atly biraýlygyň çäklerinde wagyz-nesihat çäresi geçirildi.
Çäräniň dowamynda ýurdumyzda badalga berlen «Ýol hereketiniň howpsuzlygy — ömrümiziň rahatlygy» atly şygar astynda geçiriljek biraýlygyň çäklerinde ýol hereketiniň howpsuzlygy boýunça ýaşlaryň arasynda wagyz-nesihat işlerini güýçlendirmegiň ähmiýeti, edara-kärhanalarda zähmet çekýän ýaşlaryň, okuwçylaryň we talyplaryň hem-de ýeňil we uly awtoulaglaryň sürüjileriniň ýol hereketiniň düzgünlerini doly we dogry berjaý etmekleriniň möhümdigi baradaky çykyşlara giň orun berildi.
Duşuşygyň ahyrynda oňa gatnaşanlar türkmen halkynyň eşretli, asuda, parahat durmuşda ýaşamagy ugrunda giň mümkinçilikleri döredip berýän türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň adyna alkyş sözlerini beýan etdiler.
Şamyrat NAZAROW,
Türkmenistanyň Magtymguly adyndaky Ýaşlar guramasynyň
Daşoguz welaýatynyň Akdepe etrap Geňeşiniň Guramaçylyk
bölüminiň sanly ulgam boýunça esasy hünärmeni.
