Ýakynda Köýtendag etrabynyň 61-nji orta mekdebiniň mejlisler zalynda Türkmenistanyň Magtymguly adyndaky Ýaşlar guramasynyň Lebap welaýatynyň Köýtendag etrap Geňeşiniň, etrabyň bilim bölümi bilen bilelikde guramagynda ýurdumyzyň mukaddes Garaşsyzlygynyň 34 ýyllygyna bagyşlanyp “Garaşsyz ýurdyň waspy dillerde” ady bilen dabaraly maslahat geçirildi.
Dabara etrabyň 61-nji orta mekdebiniň mugallymlary we okuwçylary gatnaşdylar. Onuň dowamynda Türkmenistanyň Demokratik partiýasynyň Köýtendag etrap komitetiniň partiýa guramaçysy Seýitmurat Paýzullaýew, etrap bilim bölüminiň hünärmeni Hudaýnazar Haýutmuradow eden çuň many-mazmunly çykyşlarynda mukaddes Garaşsyzlygymyzyň halkymyza beren bagty, hemişelik Bitarap döwletimiziň bedew batly ösüşleri dogrusynda ginişleýin belläp geçdiler.
Dabaraly maslahatyň ahyrynda oňa gatnaşanlar, ýaşlaryň mynasyp bilim-terbiýe almagy, halal zähmet çekmegi ugrunda giň mümkinçilikleri döredip berýän Gahryman Arkadagymyza we Arkadagly Gahryman Serdarymyza alkyş sözleri aýtdylar.
Göwher MÖWLÝAMOWA,
Türkmenistanyň Magtymguly adyndaky Ýaşlar
guramasynyň Lebap welaýatynyň Köýtendag etrap
Geňeşiniň Guramaçylyk bölüminiň müdiri.
