Bilimler we talyp ýaşlar güni mynasybetli Türkmenistanyň Magtymguly adyndaky Ýaşlar guramasynyň Mary welaýatynyň Sakarçäge etrap Geňeşiniň, etrap häkimliginiň, etrap bilim bölüminiň we beýleki jemgyýetçilik guramalarynyň bilelikde guramagynda etrabyň daşary ýurt dillerine ýöriteleşdirilen 35-nji orta mekdebinde “Bilim — bagtly geljegiň özeni” ady bilen aýdym-sazly baýramçylyk çäresi geçirildi.
Baýramçylyk çäresinde bagtyýarlyk ruhuna beslenen okuwçylar gutlag sözleri bilen çykyş edip, aýdym-sazly çykyşlara giň orun berildi. Şatlyk-şowhuna beslenen baýramçylyk çäresi hemmelerde ýakymly ýatlama galdyrdy.
Baýramçylyk çäresiniň ahyrynda oňa gatnaşan mugallymlar we okuwçylar ýaşlaryň döwrebap bilim almagy, döredijilik bilen meşgullanmagy ugrunda giň mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Owadan ATDAÝEWA,
Türkmenistanyň Magtymguly adyndaky Ýaşlar guramasynyň
Mary welaýatynyň Sakarçäge etrap Geňeşiniň
Guramaçylyk bölüminiň müdiri.
