.jpg)
Ýurdumyzyň ähli künjeginde bolşy ýaly, Mary welaýatynyň Tagtabazar etrabynyň 20-nji orta mekdebinde Bilimler we talyp ýaşlar güni giňden we dabaraly ýagdaýda bellenildi.
Bu geçirilen dabarada 20-nji orta mekdebiniň müdiri T.Hümmetgulyýew, etrap bilim bölüminiň müdiri B.Nurmämedow, Türkmenistanyň Magtymguly adyndaky Ýaşlar guramasynyň Mary welaýatynyň Tagtabazar etrap Geňeşiniň esasy hünärmeni T.Çaryýewa dagylar çykyş etdiler. Olar öz çykyşlarynda ýaş nesilleriň ylymly-bilimli, sagdyn, ruhubelent, kämil şahsyýetler bolup ýetişmeklerini arzuw edip, hormatly Prezidentimiziň adyndan 1-nji synpa barýan körpelere sowgatlary gowşurdylar.
Dabaranyň ahyrynda oňa gatnaşanlar ýaş nesilleriň döwrebap bilim almagy, ylym öwrenmegi ugrunda giň mümkinçilikleri döredip berýän türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň adyna alkyş sözlerini beýan etdiler.
Täzegül ÇARYÝEWA,
Türkmenistanyň Magtymguly adyndaky
Ýaşlar guramasynyň Mary welaýatynyň
Tagtabazar etrap Geňeşiniň Guramaçylyk
bölüminiň esasy hünärmeni.
