Ýakynda Türkmengala etrap merkezi kitaphanasynda Türkmenistanyň Magtymguly adyndaky Ýaşlar guramasynyň Mary welaýatynyň Türkmengala etrap Geňeşiniň hem-de medeniýet bölüminiň we etrabyň beýleki jemgyýetçilik guramalarynyň bilelikde guramagynda Türkmenistanyň Garaşsyzlyk ýyllary içinde gazanan üstünliklerini ýaşlaryň arasynda giňden wagyz etmek maksady bilen «Garaşsyzlyk – üstünliklerimiziň özeni» atly söhbetdeşlik duşuşygy geçirildi.
Duşuşygyň dowamynda Türkmenistan ýurdumyzyň Garaşsyz döwlet bolmak bilen dost-doganlyk, hoşniýetli parahatçylyk, ynsanperwerlik, birek-birege goldaw bermek ýaly ýörelgeleri halk arasynda giňden wagyz edýän ýurt hökmünde tanalýandygy barada buýsanç bilen bellenildi.
Söhbetdeşlik duşuşygynyň ahyrynda oňa gatnaşanlar ata Watanymyzy ösüşiň we döredijiligiň ýoly bilen ynamly öňe alyp barýan Gahryman Arkadagymyzyň we Arkadagly Gahryman Serdarymyzyň adyna çäksiz alkyş sözlerini beýan etdiler.
Rahym GARLYÝEW,
Türkmenistanyň Magtymguly adyndaky
Ýaşlar guramasynyň Mary welaýatynyň
Türkmengala etrap Geňeşiniň uly buhgalteri.
