Türkmenistanyň milli ykdysady strategiýasynyň çäginde çig mal bolmadyk taýýar önümleri daşary ýurtlara çykarmak boýunça täze ugur açyldy. Türkmenistanda öndürilen doňdurmanyň ilkinji tapgyry Birleşen Arap Emirlikleriniň söwda nokatlaryna iberildi we häzirki wagtda Dubaý hem-de Abu-Dabi şäherleriniň iri söwda merkezlerinde satuwa çykaryldy.
Doňdurma Aşgabat hem-de Mary welaýatyndaky önümçilik kärhanalarynda öndürilýär. Önümçilikde diňe tebigy täze sygyr süýdi, krem, şekerçiňrek, ýerli bal hem-de miweli tagam goşundylary ulanylýar:
BAE bazarynda resmi taýdan çykyş üçin “Ak Gar” kompaniýasy Halal halkara şahadatnamasyny we ESMA (Emirlikleriň Standartlaşdyrmak we Metrologiýa edarasy) tarapyndan berlen sanitariýa rugsadyny aldy.
Türkmenistanyň Söwda we daşary ykdysady gatnaşyklary ministrliginiň bellemegine görä, Ýakyn Gündogar sebiti ýurdumyzyň eksport syýasatynda ileri tutulýan ugurlaryň biridir. Geljekde Kataryň, Bahreýniň we Saud Arabystanynyň bazarlaryna hem çykmak meýilleşdirilýär.
Ismail ÝAKUBOW,
Türkmenistanyň Magtymguly adyndaky
Ýaşlar guramasynyň Aşgabat şäheriniň
Berkararlyk etrap Geňeşiniň başlygy.
