Çagalar sagaldyş we dynç alyş merkezlerinde ýaş nesilleriň sporta bolan höwesini artdyrmak maksady bilen, olaryň arasynda täsirli çäreler yzygiderli geçirilýär. Ýakynda Türkmenistanyň Magtymguly adyndaky Ýaşlar guramasynyň Türkmenbaşy etrap Geňeşiniň guramagynda «Awaza» milli syýahatçylyk zolagyndaky «Daýanç» çagalar sagaldyş we dynç alyş merkezinde «Ýaşlar biziň röwşen geljegimizdir» ady bilen sportuň dürli görnüşleri boýunça bäsleşik geçirildi. Çekeleşikli geçen bäsleşikde ýeňiji bolan çagalara TMÝG-niň Türkmenbaşy etrap Geňeşi tarapyndan sowgatlar gowşuryldy.
Akmuhammet NAZAROW,
Türkmenistanyň Magtymguly adyndaky
Ýaşlar guramasynyň Balkan welaýatynyň
Türkmenbaşy etrap Geňeşiniň başlygy.
