Golaýda Türkmenistanyň Magtymguly adyndaky Ýaşlar guramasynyň Mary welaýatynyň Sakarçäge etrap Geňeşiniň we etrabyň 4-nji çagalar bakja-bagynyň bilelikde guramagynda körpeleriň gatnaşmagynda «Dünýäniň mahmal owazy — çagajyklaryň gülküsi» atly dabara geçirildi. Kalby buýsançdan doly çagalaryň ýerine ýetiren goşgulary bagtyýar zamanamyzyň waspy bolup ýaňlandy.
Şowhuna beslenen çärede gyzykly sahnalar, aýdym-sazlar ýerine ýetirilip, ýüreklerinde joşgun, gözlerinde şatlyk duýgulary uçganaklaýan körpejeler ajaýyp şygyrlaryň üsti bilen Berkarar döwletimiziň tarypyny belentden ýetirdiler.
Dabaranyň ahyrynda oňa gatnaşanlar ýaş nesilleriň mynasyp bilim-terbiýe almagy, döredijilik we sport bilen meşgullanmagy ugrunda şert-mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Gülşat TÖRÄÝEWA,
Türkmenistanyň Magtymguly adyndaky
Ýaşlar guramasynyň Mary welaýatynyň
Sakarçäge etrap Geňeşiniň Guramaçylyk bölüminiň
sanly ulgam boýunça esasy hünärmeni.
