Golaýda Türkmenistanyň Magtymguly adyndaky Ýaşlar guramasynyň Mary welaýatynyň Sakarçäge etrap Geňeşiniň we etrabyň 4-nji çagalar bagynyň bilelikde guramagynda, etrapdaky 4-nji çagalar bagynyň terbiýeçileriniň we enekeleriniň gatnaşmagynda «Çaga eziz, edebi ondan hem eziz» atly wagyz-nesihat duşuşygy geçirildi.
Duşuşykda Türkmenistanyň Magtymguly adyndaky Ýaşlar guramasynyň Mary welaýatynyň Sakarçäge etrap Geňeşiniň Guramaçylyk bölüminiň müdiri Owadan Atdaýewa, 4-nji çagalar bagynyň müdiri Maral Orazgulyýewa çykyş etdiler.
Wagyz-nesihat duşuşygynda çykyş edenler Arkadagly Gahryman Serdarymyzyň baştutanlygynda ýurdumyzyň ýaş nesilleri hakynda aýratyn aladalaryň edilýändigi, körpeleriň geljekde Watanymyza, il-günümize gerekli kämil ynsanlar bolup ýetişmegi ugrunda tagallalaryň gaýgyrylmaýandygy dogrusynda giňişleýin gürrüň etdiler.
Gülşat TÖRÄÝEWA,
Türkmenistanyň Magtymguly adyndaky Ýaşlar guramasynyň
Mary welaýatynyň Sakarçäge etrap Geňeşiniň Guramaçylyk
bölüminiň sanly ulgam boýunça esasy hünärmeni.
