Türkmenistanyň Magtymguly adyndaky Ýaşlar guramasynyň Daşoguz welaýatynyň Daşoguz şäher Geňeşiniň guramagynda şäheriň 12-nji çagalar bagynda terbiýelenýän körpeleriň gatnaşmagynda, çagalaryň tomusky dynç möwsümini gyzykly we şadyýan geçirmegini gazanmak maksady bilen «Biz şadyýan çagalar» atly aýdym-sazly bäsleşik geçirildi.
Çäräniň dowamynda çagalar joşgunly tanslary ýerine ýetirip, ukyp-başarnyklaryny açyp görkezdiler. Bäsleşik gyzykly we şadyýan geçdi.
Aýdym-sazly çärä gatnaşan körpeler Türkmenistanyň Magtymguly adyndaky Ýaşlar guramasynyň Daşoguz welaýatynyň Daşoguz şäher Geňeşi tarapyndan ýadygärlik sowgatlary bilen sylaglandylar.
Batyr GAÝYPOW,
Türkmenistanyň Magtymguly adyndaky Ýaşlar guramasynyň
Daşoguz welaýatynyň Daşoguz şäher Geňeşiniň Guramaçylyk
bölüminiň esasy hünärmeni.
