Aşgabat şäheri — Türkmenistanyň paýtagty, döwrebap ösüşiň ajaýyp nusgasy bolup, her ýylyň 25-nji maýynda Aşgabat şäheriniň güni uly dabara bilen bellenilýär. Aziýanyň ýüreginde ýerleşýän bu şäher, Gahryman Arkadagymyzyň we Arkadagly Gahryman Serdarymyzyň parasatly ýolbaşçylygynda, binagärlik sungatynyň, tehnologiýanyň we medeniýetiň sazlaşykly utgaşygynyň nusgasyna öwrüldi. Aşgabadyň kaşaň binalary, suw çüwdürimleri, ýaşyl seýilgähleri we arassa köçeleri görenleri haýran galdyrýar, ýüreklerde ýakymly duýgular döredýär.
Şäheriň taryhy ýadygärlikleri we muzeýleri türkmen medeniýetiniň baýlygyny gorap saklap, ýaş nesillere ýetirýär. Aşgabadyň döwrebaplygy onuň taryhy mirasyna bolan hormaty bilen utgaşýar, bu bolsa muzeýlerde we ýadygärliklerde öz beýanyny tapýar. Şäheriň döwrebap infrastrukturasy, ösen ulag ulgamlaryndan başlap, ekologiýa taýdan arassa çözgütlere çenli, nesillere ýagty geljege ýol açýar.
Gahryman Arkadagymyzyň «Ak şäherim Aşgabat» atly kitabynda belleýşi ýaly, Aşgabat bu gün eşretli durmuşyň berkarar edilen belent derejesini, gurmagyň we döretmegiň kämil gurşawyny, onuň çuň many-mazmunyny äşgär edip, ösüşleriň täze belentliklerine eýe bolýar. Eziz paýtagtymyz dünýä jemgyýetçiligi tarapyndan «Mermer şäher», «Aziýanyň merjeni», «Sebitde ylalaşdyryjy merkez» ýaly abraýly derejelere eýe boldy.
Halkymyzyň abadan hem bagtyýar ýaşamagy ugrunda yzygiderli tagallalary edýän, paýtagtymyz Aşgabadyň şöhratyny dünýäde giňden dabaralandyrýan Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, il-ýurt bähbitli beýik işleriniň elmydama rowaçlyklara beslenmegini tüýs ýürekden arzuw edýäris!
Gülnara GURBANOWA,
Türkmenistanyň Magtymguly adyndaky
Ýaşlar guramasynyň Aşgabat şäheriniň
Büzmeýin etrap Geňeşiniň uly buhgalteri.
