Ýaňy-ýakynda Lebap welaýatynyň Dänew etrabynyň Merkezi kitaphanasynda Türkmenistanyň Magtymguly adyndaky Ýaşlar guramasynyň Lebap welaýatynyň Dänew etrap Geňeşiniň guramagynda, etrabyň orta mekdepleriniň okuwçylarynyň gatnaşmagynda ýaşlarda kitaba bolan söýgini güýçlendirmek maksady bilen «Kitap bilen açalyň biz dünýäni» atly wagyz- nesihat duşuşygy geçirildi.
Duşuşykda Gahryman Arkadagymyzyň, hormatly Prezidentimiziň atalyk kitaplary, akyldar şahyrymyz Magtymguly Pyragynyň hem-de beýleki ýazyjy şahyrlaryň kitaplary okaldy.
Çäräniň ahyrynda oňa gatnaşanlar ýurdumyzda döwrebap bilim almaga, halal zähmet çekmäge giň mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Melike ROZYÝEWA,
Türkmenistanyň Magtymguly adyndaky
Ýaşlar guramasynyň Lebap welaýatynyň
Dänew etrap Geňeşiniň guramaçylyk
bölüminiň baş hünärmeni.
