.jpg)
Golaýda türkmen bedewiniň baýramy mynasybetli Daşoguz welaýat häkimliginiň, welaýatyň jemgyýetçilik guramalarynyň bilelikde guramagynda “Adyň dillerde sena bedew” atly şygar astynda Daşoguz welaýat Atçylyk sport toplumynda welaýat derejesinde aýdym-sazly baýramçylyk dabarasy geçirildi. Dabara edara-kärhanalaryň hünärmenleri, medeniýet öýlerinde we bilim ulgamynda zähmet çekýän ýaşlar, il sylagly ýaşulular we mährem eneler gatnaşdy. Halkymyzyň buýsanjyna öwrülen türkmen bedewini wasp edip, ýerine ýetirilen aýdymlar, çeper okaýyşlar, edebi-szly kompozisiýalar ýatdan çykmajak täsir galdyrdy. Şeýle-de, ýaş suratkeşleriň il arasynda owadanlygyň, nepisligiň nusgasyna öwrülen ahal-teke bedewini wasp edip çeken suratlarynyň sergisi guraldy. Soňra baýramçylyk dabarasy köpçülikleýin sport çäreleri bilen utgaşdy.
Kakabaý DURDYÝEW,
Türkmenistanyň Magtymguly adyndaky
Ýaşlar guramasynyň Daşoguz welaýat
Geňeşiniň esasy hünärmeni.
