Golaýda Ruhubelent etrabynyň 1-nji sport mekdebinde «Sport – saglygyň ygtybarly kepili» atly şygar astynda sportuň milli göreş görnüşi boýunça ýaryş geçirildi. Türkmenistanyň Magtymguly adyndaky Ýaşlar guramasynyň Daşoguz welaýatynyň Ruhubelent etrap Geňeşiniň, etrabyň bedenterbiýe we sport bölümi bilen bilelikde guramaklarynda geçirilen sport ýaryşa etrapdaky orta mekdeplerden okuwçy ýaşlar gatnaşdy.
Mekdep okuwçylarynyň boş wagtlaryny netijeli geçirmegini, sagdyn durmuş ýörelgelerine eýermegini gazanmak we olary sporta çekmek maksady bilen geçirilen ýaryşa jemi 20 okuwçy gatnaşyp öz aralarynda bäsleşdiler. Okuwçylaryň arasyndaky duşuşyklar diýseň çekeleşikli geçdi. Şeýlelikde, Agajanow Täçmyrat birinji, Meretjanow Begli ikinji orna mynasyp bolup, Türkmenistanyň Magtymguly adyndaky Ýaşlar guramasynyň Daşoguz welaýatynyň Ruhubelent etrap Geňeşi tarapyndan Hormat haty bilen sylaglandylar.
Gylyç GYLYJOW,
Ruhubelent etrabynyň çagalar sungat mekdebiniň mugallymy,
Türkmenistanyň Magtymguly adyndaky Ýaşlar guramasynyň
Ruhubelent etrap Geňeşiniň işjeň agzasy.
