Ýakynda Türkmenistanyň Magtymguly adyndaky Ýaşlar guramasynyň Daşoguz welaýatynyň Şabat etrap Geňeşiniň, etrap häkimliginiň, etrabyň jemgyýetçilik guramalarynyň hem-de etrabyň bedenterbiýe we sport bölüminiň bilelikde guramagynda Şabat etrabynyň 2-nji sport desgasynda Bütindünýä saglyk güni mynasybetli «Saglyk – bahasyz baýlyk» atly aýdym-sazly sport çäresi geçirildi.
Baýramçylyk çäresine etrabyň edara-kärhanalarynda zähmet çekýän ýaşlar, etrabyň ýaşaýjylary gatnaşdylar. Aýdym-sazly sport çäresinde sportuň dürli görnüşleri boýunça bäsleşikler we aýdym-sazly çykyşlar giňden ýaýbaňlandyryldy.
Baýramçylyk dabarasynda çykyş edenler sport ulgamyny ösdürmekde hem-de dünýä ýaýmakda durmuşa geçirýän taýsyz tagallalary üçin Gahryman Arkadagymyza, Arkadagly Gahryman Serdarymyza alkyş sözlerini aýtdylar.
Şeker HAÝTANOWA,
Türkmenistanyň Magtymguly adyndaky
Ýaşlar guramasynyň Daşoguz welaýatynyň
Şabat etrap Geňeşiniň esasy hünärmeni.
