Ýakynda Türkmenistanyň Magtymguly adyndaky Ýaşlar guramasynyň Daşoguz welaýatynyň Daşoguz şäher Geňeşi ýaşlaryň ugur tapyjylykda hem-de başarnyk baýlyklaryny kämilleşdirmek maksady bilen Daşoguz welaýat Saglygy dikeldiş okuw terbiýeçilik toplumynda bilim alýan okuwçylaryň arasynda «Bagtyýar çagalar Watanymyzyň buýsanjydyr» atly döredijilik bäsleşigi geçirildi.
Bäsleşik üç şertden ybarat bolmak bilen şaşka oýnamak, üm arkaly nakyllary düşündirmek hem-de reňkli kagyzlardan şekilleri ýasamak arkaly geçirildi. Bäsleşik diýseň gyzykly hem-de çekeleşikli geçip onda okuwçylar öz ukyp başarnyklaryny, erjelliklerini görkezdiler.
Ýeňiş gazanan hem-de işjeň gatnaşan okuwçylara Türkmenistanyň Magtymguly adyndaky Ýaşlar guramasynyň Daşoguz welaýatynyň Daşoguz şäher Geňeşiniň ýadygärlik sowgatlary gowşuryldy.
Ýazjemal BAZAROWA,
Türkmenistanyň Magtymguly adyndaky
Ýaşlar guramasynyň Daşoguz welaýatynyň
Daşoguz şäher Geňeşiniň esasy hünärmeni.
