Tagtabazar etrabynyň umumybilim berýän orta mekdepleriniň kiçi we uly ýaşly okuwçylarynyň arasynda bolup biljek kanuny bozulmalarynyň öňüni almak, ýol hereketiniň kadalaryny, sagdyn durmuşdyr milli ahlak ýörelgelerini berjaý etmek hem-de türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň döwet galamyndan çykan ajaýyp kitaplaryny geljegimiz bolan nesillerimize düşündirmek we olaryň watançy ýaşlar bolup ýetişmeklerini gazanmak maksady bilen TMÝG-niň etrap Geňeşiniň, etrap prokuraturasynyň, etrap PB-niň Polisiýanyň ýol gözegçiligi bölümçesiniň, etrap bilim bölüminiň, etrap hassahanasynyň, TKA-nyň etrap birleşmesiniň bilelikde guramagynda etrabyň 14-nji orta mekdepde ýokary synp okuwçylaryň gatnaşmagynda «Sagdyn nesil – kuwwatly Watan» atly wagyz-nesihat duşuşygy geçirildi.
Duşuşykda okuwçylaryň edep-ekramly, bilimli bolmalydygy, sapakdan boş wagtlaryny gyzykly we peýdaly geçirmekleri üçin mekdepde we mekdepden daşary gurnalýan çärelere işjeň gatnaşmalydygy, mekdepde we jemgyýetçilik ýerlerinde özlerini tertip-düzgünli alyp barmalydygy, köçe-ýol hereketiniň düzgünlerini berk berjaý etmelidigi we türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň ajaýyp kitaplarynyň many-mazmuny durmuş ýörelge edinmek barada giňişleýin gürrüň etdiler.
Duşuşygyň ahyrynda oňa gatnaşyjylar Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, il-ýurt, umumadamzat ähmiýetli tutýan tutumly işleriniň hemişe rowaç bolmagyny arzuw etdiler.
Ogulboldy ÖWEZBERDIÝEWA,
Türkmenistanyň Magtymguly adyndaky
Ýaşlar guramasynyň Mary welaýatynyň
Tagtabazar etrap Geňeşiniň baş hünärmeni.
