Golaýda Türkmenistanyň Magtymguly adyndaky Ýaşlar guramasynyň Mary welaýatynyň Murgap etrap Geňeşiniň guramagynda hemişelik Bitaraplygymyzyň şanly 30 ýyllygy mynasybetli etrabyň 8-nji orta mekdebinde, ýokary synp okuwçylaryň gatnaşmagynda «Bitaraplyk ýörelgesi – ýaşlaryň bagtly buýsanjy» atly söhbetdeşlik duşuşygy geçirildi.
Onuň dowamynda etrabymyzyň jemgyýetçilik guramalarynyň wekilleriniň, mugallymlaryň we okuwçylaryň özboluşly giň mana eýe bolan täsirli çykyşlary diňlenildi. Olar öz çykyşlarynda esasan hem, parahatçylyk taglymatynyň asyrlar boýy dowam edip gelýän şöhratly taryhy, şu günki buýsançly ýörelgesi, geljekki rowaçly başlangyçlary hakynda çuň manyly sözleri bilen çärä gatnaşan ýaş nesilleriň aňynda «parahatçylyk» düşünjesiniň has kämil ýer almagyny gazandylar.
Söhbetdeşlik duşuşygynyň ahyrynda oňa gatnaşanlar Garaşsyz, hemişelik Bitarap Türkmenistan ýurdumyzda beýik başlangyçlary bilen halkymyzy eşretli zamanada ýaşadýan Gahryman Arkadagymyza we Arkadagly Gahryman Serdarymyza çäksiz alkyş sözlerini beýan etdiler.
Pälwan SAPAROW,
Türkmenistanyň Magtymguly adyndaky Ýaşlar guramasynyň
Mary welaýatynyň Murgap etrap Geňeşiniň
Guramaçylyk bölüminiň müdiri.
