Golaýda Türkmenistanyň Magtymguly adyndaky Ýaşlar guramasynyň Balkan welaýatynyň Balkanabat şäher Geňeşiniň Hazar şäherçe bölümçesiniň guramagynda Hazar şäherçesiniň Çagalar we ýetginjekler döredijilik öýünde mekdep okuwçylaryň arasynda «Sagdyn nesil – sagdyn geljek» atly şygar astynda sportuň şaşka görnüşi boýunça bäsleşik geçirildi.
Oňa çagalar uly höwes bilen gatnaşdylar. Bäsleşikde ýeňiji bolan çagalara Türkmenistanyň Magtymguly adyndaky Ýaşlar guramasynyň Balkanabat şäher Geňeşi tarapyndan ýadygärlik sowgatlary gowşuryldy.
Sportuň şaşka görnüşi boýunça geçirilen bäsleşigiň ahyrynda, oňa gatnaşanlar okamaga, öwrenmäge, zähmet çekmäge uly mümkinçilikleri döredip berýän Gahryman Arkadagymyza we Arkadagly Gahryman Serdarymyza alkyş sözlerini beýan etdiler.
Baýramgül HEMRAÝEWA,
Türkmenistanyň Magtymguly adyndaky Ýaşlar guramasynyň
Balkan welaýatynyň Balkanabat şäher Geňeşiniň
Hazar şäherçe bölümçesiniň baş hünärmeni.
